Si rrjedhojë, autoritetet polake kanë blinduar me forca siguriekryeqytetin, nga frika e zënkave masive, si rrjedhojë e rivalitetit dhe urrejtjes historike midis dy shteteve të Europës Lindore.
Rreth 6 mijë policë janë vendosur në zonat më të nxehta të kryeqytetit.
Rusia mbajti të pushtuar Poloninë për më shumë se një shekull (1795-1918), ndërsa nënshkroi një marrëveshje që e ndau vendin në dy pjesë me Gjermaninë Hitleriane, gjatë Luftës së Dytë Botërore.
Polonia u shndërrua në një “satelit” të Bashkimit Sovjetik gjatë epokës së komunizmit, duke hapur plagë të reja, prezente në kujtesën e shumë polakëve.
Një parti konservatore në opozitë dënoi marshimin e rusëve si një provokim, por ai është aprovuar prej autoriteve dhe do të mbahet duke nisur nga ora 17:00.
Mediat vendase kanë shprehur një shqetësim të thellë rreth sigurisë, me të përditshmen “Rzeczpospolita”, që pyeste në faqen e saj të parë: “Marshim apo betejë urbane?”.
Dita kombëtare e Rusisë shënon deklarimin e pavarësisë së Federatës Rusenga Bashkimi Sovjetik në vitin 1990, një hap kyç drejt rrëzimit të vetë BRSS-së.
