Te Bajerni i Mynihut fitorja duhet të jetë detyrim. Edhe pse ky mentalitet është zbehur disi nga lojtarët aktualë, tani, e rëndësishme është që suksesi në fund t’u përkasë vetëm rekordmenëve. Fakti që ata dolën pa asnjë trofe vitin e kaluar e ka rritur së tepërmi presionin dhe motivimin në skuadër për të mos dalë duarbosh edhe këtë vit, pasi nëse do të dështojnë, atëherë do të jetë viti më i errët në historinë moderne të Bajernit të Mynihut. Problemet e skuadrës bavareze kanë dalë shumë në pah gjatë kësaj faze. Shumë prej ekspertëve ia adresojnë fajin trajnerit, disa lojtarëve dhe kështu me radhë. Një mendim të argumentuar ka dhënë edhe presidenti i nderit te Bajerni, Franc Bekenbauer, i cili i ka dhënë një mësim të mirë kapitenit Filip Lahm dhe portierit Manuel Nojer.
Gjatë kësaj kohe kajzeri bavarez ka dhënë alarmin për mungesën në skuadër “të prototipave” apo lojtar me kuptimin e plotë të fjalës “lider”. Sipas Bekenbauerit, Bajerni është pa “kokë”, pa një lidership në formacion që t’i karikojë lojtarët. I mungon shpirti “Oliver Kahn” që e ngre në këmbë ekipin në çaste kulminante. “Ky Bajern po më duket pa ‘gjak’. Luajnë në fushë duke përdorur vetëm emrin e Bajernit dhe jo kualitetin e tyre.
