Portieri i Italisë, Gianluigi Buffon, ka
thënë se bashkëlojtarët e tij janë duke jetuar ëndrrën dhe ka kërkuar
nga ta që ta bëjnë të mundshme realizimin e ëndrrës përballë një
misioni të pamundur ndaj Gjermanisë super të fortë. “Vjen
momenti në jetë kur nuk mund të bësh asgjë përpos se të ndjekësh rrugën
e ëndrrës. Ky është detyrim për secilin njeri”.
“Shpeshherë jemi lënë anash nga gjërat negative që na kanë rrethuar,
shpeshherë jemi të detyruar të pranojmë fatin që na bëjnë të tjerët dhe
shpeshherë ndalojmë së ëndërruari kur arrijmë moshën e pjekurisë dhe
kur arrijmë moshën që të jemi të pavarur nga puna, e ku asgjë nuk arrin
të na stimulojë”.
“Si fëmijë, unë ëndërrova të jem futbollist, si djalosh ëndërrova të
jem portier i kombëtares dhe Juventusit dhe në moshën 20 vjeçare
kërkova Scudetton, në moshën 25 vjeçare kërkova Ligën e Kampionëve dhe
Kupën e Botës, në moshën 30 vjeçare, tani fitova titullin me Juventusin
dhe kërkoj Evropianin”.
“Tani duket se kemi mision të pamundur, ndoshta do të jetë, por pasi
kemi ardhur deri këtu, është mirë që të dëshirojmë ta zgjasim këtë
rrugëtim...drejt ëndrrës...drejt kënaqësisë. Forzza Italia”, ka shkruar
Buffon në Facebook.