“Edhe pse ky fakt mund të na favorizojë, unë do kisha pasur dëshirë që Zlatan Ibrahimoviç të zbriste në fushë kundër Juventusit. Ai është një kampion i madh, i cili pavarësisht rezultatit, di t’u ofrojë sportdashësve atë ton spektakli që ata kërkojnë nga një ndeshje e madhe si Milan-Juve. Zlatanin e kam njohur personalisht dhe më vjen keq për skualifikimin e marrë, – nënvizon Nedvedi, i cili gjithsesi nuk lë pa konfirmuar faktin e arbitrimeve anti-Juve. – Jam një person që i kam thënë gjithmonë gjërat hapur dhe sot ndiej se arbitrat janë ende të kushtëzuar ndaj Juves, si rrjedhojë e skandalit “Calciopoli”. Kjo nuk është një gjë normale, ndaj të gjithë si klub pretendojmë një trajtim të barabartë”, përfundoi bjondi çek
